News
എറണാകുളം അങ്കമാലി അതിരൂപതക്ക് വേണ്ടി തിരുപ്പട്ടം സ്വീകരിച്ച 8 നവവൈദികർ 5 -11 -2024 ചൊവ്വാഴ്ച മേജർ ആർച്ച് ബിഷപ്പ് ഹൗസിൽ
04-11-2024 ൽ തിരുഹൃദയ മൈനർ സെമിനാരിയിൽ വച്ച് എറണാകുളം അങ്കമാലി അതിരൂപതക്ക് വേണ്ടി തിരുപ്പട്ടം സ്വീകരിച്ച 8 നവവൈദികർ 5 -11 -2024 ചൊവ്വാഴ്ച മേജർ ആർച്ച് ബിഷപ്പ് ഹൗസിൽ വന്ന് തങ്ങൾക്ക് പൗരോഹിത്യ തിരുപ്പട്ടം നൽകിയ അപ്പസ്തോലിക് അഡ്മിനിസ്ട്രേറ്റർ മാർ ബോസ്കോ പുത്തൂർ പിതാവിനോടുള്ള നന്ദി പ്രകാശിപ്പിക്കുകയുണ്ടായി. പിതാവും കൂരിയ അംഗങ്ങളും അവരെ ഹൃദ്യമായി സ്വാഗതം ചെയ്യുകയും അവരോടൊപ്പം അരമന ചാപ്പലിൽ ഈശോയുടെ തിരുഹൃദയത്തിന് അവരെ സമർപ്പിച്ച് പ്രാർത്ഥിക്കുകയും ചെയ്തു. അതിരൂപത വൈദിക കൂട്ടായ്മയിലേക്ക് സ്നേഹത്തോടെ അവരെ സ്വാഗതം ചെയ്ത അഭിവന്ദ്യ പിതാവ് പൗരോഹിത്യത്തിലേക്ക് അവരെ വിളിച്ച ഈശോയോട് പരിപൂർണ വിശ്വസ്തത പുലർത്താനും തിരുസഭയോടും തിരുസഭാ അധികാരികളോടും വിധേയത്വത്തോടും അനുസരണത്തോടും കൂടെ പ്രവർത്തിക്കാനും ഉപദേശിച്ചു.
